மனைவி மகளுடன் பிறந்தநாள் கொண்டாடிய சாண்டி!

Papiksha Joseph| Last Updated: செவ்வாய், 6 ஜூலை 2021 (12:24 IST)

தமிழ் சினிமாவில் உச்ச நடிகர்களுக்கு நடனம் கற்றுத்தரும் டான்ஸ் மாஸ்டர் சாண்டி. இவர் சொந்தமாக நடன பள்ளி ஒன்றை நடத்தி வருகிறார். இதற்கிடையில் பிக்பாஸ் சீசன் 3 நிகழ்ச்சியில் கலந்துகொண்டு இரண்டாம் இடத்தை பெற்றார்.
சாண்டி நடிகை காஜல் பசுபதி என்பவரை காதலித்து திருமணம் செய்துக்கொண்டார். திருமணத்திற்கு பின்னர் இருவருக்கும் இடையேயும் நிலவி வந்த கருத்து வேறுபாடு காரணமாக முறையாக விவாகரத்து பெற்று பிரிந்து விட்டனர்.

அதையடுத்து சாண்டி சில்வியா என்ற பெண்ணை மீண்டும் காதலித்து பெற்றோர் சம்மதத்துடன் திருமணம் செய்துக்கொண்டார். இந்த தம்பதிக்கு லாலா என்ற அழகிய பெண் குழந்தை இருக்கிறார். தற்போது சாண்டி மனைவி இரண்டாவது முறையாக கர்ப்பமாக உள்ளார். அண்மையில் தான் மனைவிக்கு வளைகாப்பு நடத்தி சாண்டி அழகு பார்த்தார்.

இந்நிலையில் நேற்று மனைவி மற்றும் மகள் லாலாவுடன் பிறந்தநாள் கொண்டாடிய சாண்டிக்கு வாழ்த்துக்கள் குவிந்தது. அவரது பிறந்தநாள் கொண்டாட்ட புகைப்படங்களை மனைவி சில்வியா தனது இன்ஸ்டாக்ராம் பக்கத்தில் வெளியிட்டு வாழ்த்தியுள்ளார்.


இதில் மேலும் படிக்கவும் :