போனிகபூர் வாரிசுக்கு கொரோனா: குடும்பத்தினர் அதிர்ச்சி
பிரபல பாலிவுட் தயாரிப்பாளரும் அஜித் நடித்த ’நேர்கொண்ட பார்வை’ என்ற திரைப்படத்தை தயாரித்ததோடு தற்போது அவர் நடித்து வரும் ’வலிமை’ என்ற திரைப்படத்தின் தயாரிப்பாளருமான போனி கபூரின் மகன் அர்ஜூன் கபூர் அவர்களுக்கு கொரோனா வைரஸ் தொற்று உறுதி செய்யப்பட்டுள்ளது
இதனை அடுத்து அர்ஜுன் கபூர் தனது டுவிட்டர் பக்கத்தில் தனக்கு எந்த அறிகுறியும் இல்லாமல் திடீரென கொரோனா வைரஸ் தொற்று பரவியதாகவும் இதனை அடுத்து மருத்துவரின் ஆலோசனைப்படி தான் வீட்டிலேயே தனிமைப்படுத்தப்பட்டு சிகிச்சை பெற்று வருவதாகவும் தெரிவித்துள்ளார்
மேலும் இந்த கொடிய நோயிலிருந்து விரைவில் மீண்டு வருவேன் என்ற நம்பிக்கை தனக்கு இருப்பதாகவும் தனக்கு வாழ்த்து தெரிவித்த மற்றும் பிரார்த்தனை செய்த அனைத்து ரசிகர்களுக்கும் தனது நன்றி என்றும் அர்ஜுன் கபூர் தெரிவித்துள்ளார்
முன்னதாக போனிகபூர் வீட்டில் பணி செய்த மூன்று ஊழியர்களுக்கு கொரோனா வைரஸ் தொற்று பரவியது என்பதும் இதனை அடுத்து போனி கபூர் மற்றும் அவரது மகள்களுக்கு கொரனோ வைரஸ் பரிசோதனை செய்யப்பட்டதில் நெகட்டிவ் ரிசல்ட் வந்தது என்பதும் குறிப்பிடத்தக்கது
