செம ஹாட் மச்சி' காமெடி குசும்புகளை அவிழ்த்துவிட்ட பாக்யராஜ்...
கூத்தன் பாடல் வெளியீட்டு விழாவில் காமெடிகளை உருவாக்கியது குறித்து பாக்யராஜ் நகைச்சுவையாக பேசினார்.
வெங்கி இயக்கத்தில் கூத்தன் என்ற படம் தயாராகி உள்ளது. இதில் நாயகனாக ராஜ்குமார், நாயகிகளாக ஸ்ரிஜிதா, சோனல் ஆகியோர் நடித்துள்ளனர்.
இந்த படத்தின் பாடல் வெளியீட்டு விழாவில் கலந்து கொண்டு பாக்யராஜ் பேசுகையில், ‘ மவுன கீதம் படத்தில் சரிதா குளித்து விட்டு வந்து பின்னால் ஊக்கு மாட்டிவிட சொல்லும் காட்சி தனக்கு பிடித்து இருந்ததாக இந்த படத்தின் தயாரிப்பாளர் சொன்னார்.
ஒரு படத்தில் நடித்தபோது ஒரு காட்சியில் நகைச்சுவை வைத்தால் நன்றாக இருக்கும் என்றனர். என்ன செய்யலாம் என்று யோசித்தேன். ஒரு மாமி மீது விழுந்து அவரிடம் சாரி மாமி என்பது போன்றும் மாமியோ செம ஹாட் மச்சி என்று பதில் சொல்வது போன்றும் காட்சி எடுத்தோம் இப்போதுகூட செம ஹாட் மச்சி என்று ரேடியோவில் சொல்கிறார்கள்.
நாடக நடிகைகள் பின்னால் சுற்றும் ஊர் பெரியவர்களை மனதில் வைத்து சுவரில்லாத சித்திரங்கள் படத்தில் கல்லாப்பெட்டி சிங்காரம் கதாபாத்திரத்தை உருவாக்கினேன்’’ என பாக்யராஜ் கூறினார்.
