ஆர் கே நகரில் நடிகையைக் களமிறக்கும் அதிமுக!
நடிகை விந்தியா வருகின்ற சட்டமன்ற தேர்தலில் அதிமுக சார்பாக போட்டியிட வாய்ப்புள்ளதாக சொல்லப்படுகிறது.
முன்னாள் முதல்வர் ஜெயலலிதாவின் மறைவிற்கு பின்னர் அதிமுக பல அணிகளாக பிரிந்தவுடன் அதிமுகவில் இருந்து பல நட்சத்திரங்கள் விலகி சென்றனர். ராதாரவி, ஆனந்த்ராஜ், ஆகியோர் இவர்களில் சிலர். அந்த வகையில் அதிமுகவில் இருந்து பிரிந்தவர்களில் ஒருவர் நடிகை விந்தியா. அதிமுகவின் பிரச்சார பீரங்கியாக இருந்த விந்தியாவின் தெளிவான, கோர்வையான பேச்சுக்கு நல்ல கூட்டம் கூடும்.
இவரும் அதிமுகவில் இருந்து விலகி பின்னர் சேர்ந்துகொண்டார். இந்நிலையில் வரும் சட்டமன்றத் தேர்தலில் அவர் அதிமுக சார்பாக ஆர் கே நகர் தொகுதியில் பங்கேற்கலாம் என சொல்லப்படுகிறது.
