ரஜினி சூப்பர் ஸ்டார் போல நடந்துகொள்ள மாட்டார்… சோனா பகிர்ந்த தகவல்!

தென்னிந்திய திரையுலகில் பிரபல நடிகையாக இருப்பவர் சோனா.  90 களில் நிறைய படங்களில் இரண்டாவது கதாநாயகியாக நடித்து பிரபலமானார். அதன் பின்னர் சில படங்களில் கவர்ச்சி நடிகை வேடத்தில் நடித்தார். இடையில் பிரபல பாடகர் எஸ் பி பி சரண் தன்னிடம் அத்துமீறி நடந்து கொண்டதாக போலீஸில் புகார் அளித்து பரபரப்பை ஏற்படுத்தினார்.

அந்த சர்ச்சைகளால் சில ஆண்டுகள் தமிழ் சினிமாவில் இருந்தே காணாமல் போன அவர், ‘ஷார்ட்பிளிக்ஸ்’ ஒடிடி தளத்தில் ஒளிபரப்பாகவுள்ள ‘ஸ்மோக்’ என்கிற வெப்சீரிஸ் மூலமாக இயக்குனராக கம்பேக் கொடுக்கவுள்ளார். இந்த தொடர் அவரின் வாழ்க்கையில் நடந்த சம்பவங்களை அடிப்படையாகக் கொண்டு உருவாக்கப்பட்டுள்ளதாக அவர் தெரிவித்துள்ளார்.

இந்நிலையில் சமீபத்தில் அளித்த நேர்காணல் ஒன்றில் அவர் சூப்பர் ஸ்டார் ரஜினிகாந்த் பற்றி ஒரு கருத்தைத் தெரிவித்துள்ளார். அதில் “ அவர் வெளி உலகத்துக்குதான் சூப்பர் ஸ்டார். ஆனால் அவர் அப்படி நடந்துகொள்ள மாட்டார் என்பதை நானே நேரில் பார்த்துள்ளேன். எந்த கர்வமும், திமிரும் இல்லாத நபர் அவர்” எனக் கூறியுள்ளார். சோனா, ரஜினியோடு ‘குசேலன்’ படத்தில் இணைந்து நடித்துள்ளார் என்பது குறிப்பிடத்தக்கது.