அடுத்த கட்டத்துக்கு செல்லும் அஜித் 63 படம்… லேட்டஸ்ட் அப்டேட்!
அஜித் இப்போது தன்னுடைய 62ஆவது படமான விடாமுயற்சி படத்தில் கவனம் செலுத்தி வருகிறார். இந்த படத்தின் ஷுட்டிங் அஸர்பைஜானில் நடந்து வருகிறது. இந்த திரைப்படத்தை லைகா நிறுவனம் தயாரிக்க, மகிழ்திருமேனி இயக்குகிறார். அனிருத் இசையமைக்கிறார். இந்தபடத்தின் அறிவிப்பு சில மாதங்களுக்கு முன்னே வெளியாகி இருந்தாலும் ஷூட்டிங் இப்போதுதான் தொடங்கியுள்ளது.
இதையடுத்து அஜித் நடிக்கும் அடுத்த படத்தை இளம் இயக்குனர் ஆதிக் ரவிச்சந்திரன் இயக்க உள்ளதாக தகவல்கள் வெளியாகியுள்ளன. சமீபத்தில் அவர் இயக்கிய மார்க் ஆண்டனி திரைப்படம் வெற்றிபெற்று 100 கோடி ரூபாய்க்கு மேல் வசூலித்தது குறிப்பிடத்தக்கது.
இந்த படத்தை விடுதலை படத்தைத் தயாரித்த எல்ரெட் குமார் தயாரிக்க உள்ளதாக சொல்லப்படும் நிலையில் அக்டோபர் 19 ஆம் தேதி இந்த படத்துக்காக இயக்குனர் ஆதிக் ரவிச்சந்திரனுக்கு அட்வான்ஸ் கொடுக்கப்பட உள்ளதாக தகவல்கள் வெளியாகியுள்ளன.
