என்னைக்கும்… என்னைக்கும் இந்தியாவை இளக்காரமாக நினைக்காதீர்கள் – சேவாக் டீவிட்!
இங்கிலாந்துக்கு எதிரான லார்ட்ஸ் டெஸ்ட்டை இந்திய அணி அபாரமாக வென்று சாதனைப் படைத்துள்ளது.
லண்டன் லார்ட்ஸ் மைதானத்தில் இங்கிலாந்துக்கு எதிரான இரண்டாவது டெஸ்ட் போட்டியில் இந்திய அணி 151 ரன்கள் வித்தியாசத்தில் மிக அபாரமாக வெற்றி பெற்று வரலாற்று சாதனைப் படைத்துள்ளது. இந்த போட்டிக்குப் பிறகு பேசிய இந்திய அணி கேப்டன் கோலி இதுதான் எங்களின் சுதந்திர தினப் பரிசு எனக் கூறியுள்ளார். இந்த வரலாற்று சிறப்பு மிக்க வெற்றி குறித்து இந்திய முன்னாள் வீரர்கள் பலரும் பாராட்டி வருகின்றனர்.
அதில் முக்கியமாக சேவாக்கின் டிவீட் கவனத்தைப் பெற்றுள்ளது. அதில் ‘எந்த அணியும் லார்ட்ஸில் இதுபோல திருப்புமுனை வெற்றி பெற்றதில்லை. ஒரு போதும்.... ஒரு போதும் இந்திய அணியை குறைத்து எடைபோட்டு விடாதீர்கள்.’ என இங்கிலாந்து வீரர்களுக்கு அறிவுரை வழங்கும் விதமாக பேசியுள்ளார்.
