1. விளையாட்டு
  2. விளையாட்டு
  3. செய்திகள்
  4. Mitchell Starc Retires from T20I Cricket

ஆஸ்திரேலிய வீரர் மிட்செல் ஸ்டார்க் எடுத்த அதிரடி முடிவு.. கிரிக்கெட் ரசிகர்கள் சோகம்..!

மிட்செல் ஸ்டார்க்
ஆஸ்திரேலிய கிரிக்கெட் அணியின் முன்னணி வேகப்பந்து வீச்சாளர் மிட்செல் ஸ்டார்க், சர்வதேச டி20 கிரிக்கெட் போட்டிகளில் இருந்து ஓய்வு பெறுவதாக அறிவித்துள்ளார். அவரது இந்த திடீர் முடிவு, உலகெங்கிலும் உள்ள கிரிக்கெட் ரசிகர்கள் மற்றும் ஆஸ்திரேலிய அணியினருக்கு பெரும் சோகத்தை ஏற்படுத்தியுள்ளது.
 
ஸ்டார்க், தனது அபாரமான வேகத்துக்காகவும், துல்லியமான யார்க்கர் பந்துகளுக்காகவும் அறியப்பட்டவர். டி20 கிரிக்கெட்டில் ஆஸ்திரேலியா பெற்ற பல முக்கிய வெற்றிகளில் அவரது பங்களிப்பு குறிப்பிடத்தக்கது. டெஸ்ட் மற்றும் ஒருநாள் கிரிக்கெட்டில் கவனம் செலுத்துவதற்காக ஸ்டார்க் இந்த முடிவை எடுத்திருப்பதாக கூறப்படுகிறது.
 
இந்த அதிரடி முடிவுக்கு பின்னர் அடுத்த ஆண்டு நடைபெறவுள்ள சாம்பியன்ஸ் டிராபி மற்றும் ஆஷஸ் தொடர் போன்ற முக்கிய போட்டிகளுக்குத் தயாராவதில் அவர் கவனம் செலுத்துவார் என தெரிகிறது.
 
ஆஸ்திரேலிய கிரிக்கெட் வாரியம், ஸ்டார்க்கின் பங்களிப்பைப்பாராட்டி, அவருக்கு வாழ்த்துக்களைத் தெரிவித்துள்ளது. ஸ்டார்க் தனது ஒருநாள் மற்றும் டெஸ்ட் கிரிக்கெட் பயணத்தை தொடருவார் என்பதால், ரசிகர்கள் அவரை இந்த வடிவங்களில் மீண்டும் களத்தில் காண ஆவலுடன் எதிர்பார்த்துள்ளனர்.
 
Edited by Mahendran
 
அடுத்த கட்டுரையில்
யார் பந்து போட்டாலும் சிக்ஸ அடிக்கணும்னு நெனைப்பேன்… ரோஹித் ஷர்மா கெத்து!