ஆசிய விளையாட்டு வில்வித்தை போட்டியில் இந்தியா தோல்வி
ஆசிய விளையாட்டு போட்டிகளில் பெண்களுக்கான வில்வித்தை போட்டியில் இந்தியா வெள்ளி பதக்கத்தை வென்றுள்ளது.
இந்தோனேசியாவில் நடைபெற்று வரும் ஆசிய விளையாட்டுப் போட்டியில் இன்று நடைபெற்ற பெண்கள் வில்வித்தை இறுதிப்போட்டியில் இந்திய அணி கொரியாவை எதிர்கொண்டது.
இந்திய அணி 228-231 என்ற நேர் செட் கணக்கில் கொரியாவிடம் தோல்வியடைந்தது. இதன்மூலம் இப்போட்டியில் தங்கம் பெறும் வாய்ப்பை இந்தியா தவறவிட்டு, வெள்ளி பதக்கத்தை பெற்றுள்ளது.
இதுவரை விளையாடிய ஆட்டத்தில் இந்தியா 8 தங்கம், 14 வெள்ளி, 20 வெண்கலம் என 42 பதக்கங்களுடன் புள்ளிப்பட்டியலில் 9-வது இடத்தில் உள்ளது.
