உதயநிதி ஸ்டாலினை அமைச்சராக்க வேண்டும்! – திருச்சி மாவட்ட திமுக தீர்மானம்!
திருச்சி மாவட்ட திமுக ஆலோசனை கூட்டத்தில் உதயநிதியை அமைச்சராக்குவது குறித்து தீர்மானம் நிறைவேற்றப்பட்டுள்ளது.
சென்னை சேப்பாக்கம் தொகுதி எம்.எல்.ஏவாக உதயநிதி ஸ்டாலின் இருந்து வரும் நிலையில் அவருக்கு அமைச்சர் பதவி வழங்க வேண்டுமென திமுக தொண்டர்கள் முதல் அமைச்சர்கள் வரை பலரும் தொடர்ந்து பேசி வருகின்றனர்.
இந்நிலையில் சமீபத்தில் விழுப்புரத்தில் நடந்த மாவட்ட திமுக ஆலோசனை கூட்டத்தில் கருணாநிதியின் 99வது பிறந்தநாளை கொண்டாடுவது குறித்தும், உதயநிதியை அமைச்சராக்குவது குறித்தும் தீர்மானம் நிறைவேற்றப்பட்டது.
இந்நிலையில் இன்று திருச்சி தெற்கு திமுக மாவட்ட ஆலோசனை கூட்டம் அமைச்சர் அன்பில் மகேஷ் தலைமையில் நடைபெற்றது. இந்த கூட்டத்தில் கருணாநிதியின் 99வது பிறந்தநாளை கொண்டாடுவது குறித்து தீர்மானம் நிறைவேற்றப்பட்டது. மேலும் உதயநிதியை அமைச்சராக்குவது குறித்தும் தீர்மானம் நிறைவேற்றப்பட்டுள்ளது.
தொடர்ந்து மாவட்ட திமுக கூட்டங்களில் உதயநிதி அமைச்சராக வேண்டும் என தீர்மானம் நிறைவேற்றப்பட்டு வருவது திமுக வட்டாரத்தில் எதிர்பார்ப்பை ஏற்படுத்தியுள்ளது.
அடுத்த கட்டுரையில்
