சென்னையின் 200 வார்டுகளிலும் பெண்களுக்கு உடற்பயிற்சிக் கூடம்: மேயர் ப்ரியா தகவல்..!

சென்னையில் உள்ள 200 வார்டுகளிலும் பெண்களுக்கு உடற்பயிற்சி கூடம் அமைக்கப்படும் என்றும் இதற்காக பத்து கோடி ரூபாய் நிதி ஒதுக்கீடு செய்யப்படும் என்றும் மேயர் பிரியா தெரிவித்துள்ளார் 

சென்னை மாநகராட்சி பட்ஜெட் இன்று அறிவிக்கப்பட்டுள்ள நிலையில் இந்த பட்ஜெட்டில் பல்வேறு முக்கிய அம்சங்கள் குறிப்பிடப்பட்டுள்ளன. குறிப்பாக பெண்களுக்கு பல நலத்திட்டங்கள் அறிவிக்கப்பட்டுள்ள நிலையில் தற்போது சென்னையின் 200 வார்டுகளிலும் பெண்களுக்கு பிரத்யேக உடற்பயிற்சி அமைக்கப்படும் என்றும் இதற்காக 10 கோடி நிதி ஒதுக்கப்படும் என்றும் மேயர் ப்ரியா தெரிவித்துள்ளார் 

மேலும் சென்னை பட்ஜெட் உள்ளதா சில முக்கிய அம்சங்கள் பின்வருமாறு: 

200 வார்டு உறுப்பினர்களுக்கும் டேப் கணினி வழங்கப்படும். இதற்காக ரூ.1 கோடி நிதி ஒதுக்கீடு

255 பள்ளிகளில் சிசிடிவி கண்காணிப்பு கேமராக்கள் பொருத்த ரூ.7.46 கோடி ஒதுக்கீடு

பள்ளி மாணவர்களுக்கு அடையாள அட்டை வழங்க ரூ.61 லட்சம் ஒதுக்கீடு.

மாநகராட்சி பள்ளி மாணவர்களை சுற்றுலா அழைத்துச் செல்ல ரூ 45 லட்சம் ஒதுக்கீடு.

சென்னை ராயப்பேட்டையில் மாநகராட்சியின் கீழ் செயல்படும் தொழிற்பயிற்சி நிலையத்தை மேம்படுத்த ரூ.3 கோடி ஒதுக்கீடு.

419 சென்னை பள்ளிகளில் உடனடி பழுது பார்க்கும் வகையில் ரூ.1.32 கோடி நிதி ஒதுக்கீடு.

சென்னையில் 8 நீர்நிலைகளை ரூ.10 கோடி செலவில் புனரமைக்க திட்டம்.

எல்கேஜி முதல் 12-ம் வகுப்பு வரை படிக்கும் மாணவர்களுக்கு தலா 2 சீருடை வழங்க ரூ. 8.50 கோடி ஒதுக்கீடு.

Edited by Siva