சூர்யாவின் அடுத்த படத்தை இயக்கும் 'விஸ்வாச' இயக்குனர்
சூர்யாவின் அடுத்தடுத்த படங்கள் குறித்த அறிவிப்பு கடந்த சில நாட்களாக வெளிவந்து கொண்டிருப்பது தெரிந்ததே. சூர்யாவின் 'என்.ஜி.கே' திரைப்படம் மே 31ஆம் தேதி வெளியாகவுள்ள நிலையில் அவரது நடிப்பில் கே.வி.ஆனந்த் இயக்கிய 'காப்பான்' திரைப்படம் ஆகஸ்ட் 30ஆம் தேதி வெளியாகவுள்ளது
அதேபோல் சூர்யாவின் 38வது படத்தை தற்போது 'இறுதிச்சுற்று' இயக்குனர் சுதா கொங்காரா இயக்கி வருகிறார். இந்த படத்தின் முதல்கட்ட படப்பிடிப்பு முடிவடைந்து விரைவில் அடுத்தகட்ட படப்பிடிப்பு தொடங்கவுள்ளது
இந்த நிலையில் சூர்யாவின் 39வது படத்தை ஸ்டுடியோக்ரீன் ஞானவேல்ராஜா தயாரிக்கவிருப்பதாக இன்று காலை அறிவிக்கப்பட்டது. இந்த படத்தின் இயக்குனர் குறித்த அறிவிப்பு இன்று மாலை வெளியாகும் என அறிவிக்கப்பட்ட நிலையில் சற்றுமுன் 'சிறுத்தை' சிவா இயக்கவுள்ளதாக அதிகாரபூர்வமாக அறிவிக்கப்பட்டுள்ளது
அஜித் நடித்த 'விஸ்வாசம்' என்ற மிகப்பெரிய வெற்றிப்படத்தை அடுத்து இயக்குனர் சிவா இயக்கவுள்ள படம் என்பதால் இந்த படத்திற்கு மிகப்பெரிய அளவில் எதிர்பார்ப்பு ஏற்பட்டுள்ளது. இந்த படம் குறித்த மற்ற விபரங்கள் விரைவில் வெளியாகவுள்ளது
