தமிழகத்தில் ஜூன் மாதம் 7 ஆம் தேதி பள்ளிகள் திறப்பு...
தமிழகத்தில் கோடை விடுமுறைக்குப் பிறகு பள்ளிகள் திறக்கப்படும் தேதி இன்று அறிவிக்கப்பட்டுள்ளது.
தமிழகத்தில் கோடை விடுமுறைக்குப் பின்னர் 6 ஆம் வகுப்பு முதல் 12 ஆம் வகுப்பு வரை வரும் ஜூன் மாதம் 1 ஆம் தேதியும், 1 முதல் 5 ஆம் வகுப்புகளுக்கு ஜூன் 5 ஆம் தேதியும் பள்ளிகள் திறக்கப்படும் என அறிவிக்கப்பட்டிருந்தது.
இந்த நிலையில் தமிழகத்தில் தொடர்ந்து வெயில் தாக்கம் அதிகரித்து வருவதால் பள்ளிகள் திறக்கும் தேதியை தள்ளிவைக்க வேண்டுமென பலரும் கோரிக்கை விடுத்தனர்.
அதன்படி, ''தமிழகத்தில் உள்ள 1 முதல் 12 ஆம் வகுப்பு வரையுள்ள அனைத்துப் பள்ளி மாணவர்களுக்கும் வரும் ஜூன் மாதம் 7 ஆம் தேதி பள்ளிகள் திறக்கப்படும்'' என்று அமைச்சர் அன்பில் மகேஷ் தெரிவித்துள்ளார்.
