ராம்குமாரிடம் இன்று வீடியோ கான்பரன்சிங் மூலம் விசாரணை?
சுவாதி கொலை வழக்கில் கைது செய்யப்பட்டுள்ள ராம்குமாரிடம் இன்று வீடியோ கான்பரன்ஸ் மூலம் நீதிமன்றம் விசாரணை நடக்க வாய்ப்புள்ளதாக தகவல் வெளியாகியுள்ளது.
புழல் சிறையில் அடைக்கப்பட்டிருக்கும் ராம்குமாரிடம் மூன்று நாட்கள் விசாரணை நடத்திய பிறகும் வெள்ளிக்கிழமை அன்று மீண்டும் நுங்கம்பாக்கம் காவல் நிலையத்தில் பிலால் மாலிக் முன் விசாரணை நடத்தப்பட்டது. இருந்தும் இந்த வழக்கில் புதிராக உள்ள கேள்விகளுக்கு விடை கிடைக்கவில்லை.
அதற்கு விசாரணை ராம்குமார் தரப்பில் மட்டுமல்லாமல் சுவாதி பெற்றோர், நண்பர்கள் என அவர்களிடையும் விசாரணையை விரிவுப்படுத்தினால் மட்டுமே இந்தக் கொலைக்கான சரியான காரணம் தெரியவரும்.
இந்நிலையில் ராம்குமாரை இன்று சென்னை 14வது பெருநகர குற்றவியல் நீதிமன்றத்தில் ஆஜர்படுத்த உத்தரவிடப்பட்டிருந்தது. அதைத்தொடர்ந்து இன்று கான்பரன்ஸ் மூலம் நீதிமன்றம் விசாரணை நடத்த வாய்ப்புள்ளதாக தகவல் வெளியாகியுள்ளது.
