என்னது...போலீஸ் வண்டியை காணவில்லையா?

என்னது...போலீஸ் வண்டியை காணவில்லையா?

சென்னையில் போலீஸ் வேனை திருடிச் சென்றவர்களை போலீசார் வலை வீசி தேடி வருகின்றனர்.

சென்னை, மந்தைவெளி ரயில் நிலையம் அருகே பாதுகாப்பு போலீசார் வசித்து வருகின்றனர். போலீசார் பயன்பாட்டிற்காக இந்த வேனை பயன்படுத்தி வந்தனர். இதனால் இந்த வேனை இரவு நேரத்தில் இங்கே நிறுத்தி வைப்பது வழக்கம்.

இந்த நிலையில், இந்த வேனை கடந்த இரு தினங்களுக்கு முன்பு, மர்ம திருடர்கள் தள்ளிக் கொண்டு போய்விட்டனர். இதனால், வேனைக் காணமல் கடும் அதிர்ச்சி அடைந்த போலீசார் இதை வெளியே சொல்லமுடியாமலும், சொல்லாமல் இருக்கமுடியாமலும் தவித்தனர்.

இருப்பினும், இந்த தகவல் போலீஸ் உயர் அதிகாரிகள் கவனத்திற்கு சென்றதுமே, சென்னை முழுக்க சல்லடை போட்டு தேட்டப்பட்டது. ஆனால், வேன் மட்டும் கிடைத்தபாடு இல்லை.

இந்த நிலையில், காணமல் போன வேன், ஆழ்வார்பேட்டை டிடிகே சாலையில் நின்ற தகவல் அறிந்த போலீசார் அதை மீட்டு வந்தனர். பின்பு, நிம்மதி பெருமூச்சுவிட்டனர்.

ஆனாலும், போலீஸ் வேனையை ஆட்டையைப் போட்ட ஆசாமியை பலமாக கவனிக்க வலைவீசி தேடி வருகின்றனர்.