சென்னையில் ரூ.90ஐ தாண்டிய பெட்ரோல் விலை: முடிவே இல்லையா?
கடந்த சில நாட்களாக பெட்ரோல் மற்றும் டீசல் விலை ஏறிக் கொண்டே இருப்பதால் பொதுமக்கள் மட்டுமின்றி அரசியல் கட்சி தலைவர்களும் கண்டனம் தெரிவித்து வருகின்றனர்
இது குறித்து நேற்று நாடாளுமன்றத்தில் திமுக எம்பிக்கள் மற்றும் காங்கிரஸ் எம்பிக்கள் கேள்விகளை எழுப்பினார்கள் என்பது தெரிந்ததே. இந்த நிலையில் சென்னையில் முதல் முறையாக பெட்ரோல் விலை ரூபாய் 90ஐ தாண்டியுள்ளது பொதுமக்களை பெரும் அதிர்ச்சிக்கு உள்ளாக்கி உள்ளது
சென்னையில் இன்று பெட்ரோல் விலை 22 காசுகள் உயர்ந்து உள்ளது என்பதும் பெட்ரோல் விலை லிட்டருக்கு 90.18 காசுகள் என விற்பனையாகி வருகிறது என்பது குறிப்பிடத்தக்கது. அதேபோல் சென்னையில் டீசல் விலை 28 காசுகள் உயர்ந்து உள்ளது என்பதும் டீசல் விலை லிட்டருக்கு ரூபாய் 83.13 என்ற விலையில் விற்பனை ஆகி வருகிறது என்பது குறிப்பிடத்தக்கது. இதே ரீதியில் சென்றால் பெட்ரோல் மற்றும் டீசல் விலை ரூபாய் 100ஐ நெருங்கிவிடும் என்று அஞ்சப்படுகிறது
