மோடியை சந்தித்த ஒருசில நிமிடங்களில் மோடிக்கு எதிராக கண்டனம் ஆர்ப்பாட்டத்தை அறிவித்த ஸ்டாலின்

பாரத பிரதமர் நரேந்திரமோடி இன்று சென்னைக்கு வருகை தந்தபோது திமுக தலைவர் கருணாநிதியை அவரது கோபாலபுரம் இல்லத்தில் சந்தித்தார். பிரதமர் மோடிக்கு சால்வை அணிவித்து சிறப்பான வரவேற்பு கொடுத்த திமுக செயல்தலைவர் மு.க.ஸ்டாலின், அவரை மீண்டும் வாசல் வரை வந்து வழியனுப்பினார்

இந்த சந்திப்பை அடுத்து வரும் தேர்தலில் திமுகவும் பாஜகவும் கூட்டணி சேர வாய்ப்பு இருப்பதாக அரசியல் விமர்சகர்கள் கருத்து கூறி வருகின்றனர்.

இந்த நிலையில் மோடியை சந்தித்த ஒருசில மணி நேரங்களில் மோடியின் முக்கிய திட்டங்களில் ஒன்றான பணமதிப்பிழப்பு நடவடிக்கைக்கு எதிர்ப்பு தெரிவித்து கண்டனம் ஆர்ப்பாட்ட தேதியை ஸ்டாலின் உறுதி செய்துள்ளார். பண மதிப்பிழப்பு தினமான நவம்பர் 8ஆம் தேதியை கறுப்பு தினமாக அனுசரித்து அன்றைய தினம் கண்டன ஆர்ப்பாட்டம் நடைபெறும் என்றும், தமிழகத்தில் மழை பாதித்த 8 மாவட்டங்களை தவிர மற்ற மாவட்டங்களில் இந்த ஆர்ப்பாட்டம் நடைபெறுவது உறுதி என்றும் அறிவிக்கப்பட்டுள்ளது. இதனால் திமுக-பாஜக கூட்டணிக்கு இந்த சந்திப்பு அச்சாரமா? அல்லது உண்மையிலேயே மரியாதை நிமித்த சந்திப்பு மட்டும்தானா? என்று பொதுமக்கள் குழம்பி வருகின்றனர்.