மின்வெட்டு குறித்து ட்விட் போட்ட பிசி ஸ்ரீராம்.. உடனடியாக பதிலளித்த அமைச்சர் தங்கம் தென்னரசு..!

மின் வேட்டு குறித்து பிரபல ஒளிப்பதிவாளர் பிசி ஸ்ரீராம் தனது ட்விட்டர் பக்கத்தில் ட்விட் போட்ட நிலையில் உடனடியாக அமைச்சர் தங்கம் தெனரசு அதற்கு பதில் அளித்துள்ளார். 

சாந்தோம் மற்றும் ஆழ்வார்பேட்டை பகுதிகளில் அடிக்கடி மின்வெட்டு ஏற்படுவதாக ஒளிப்பதிவாளர் பிசி ஸ்ரீராம் தனது டுவிட்டர் பக்கத்தில் பதிவு செய்தார். 

இதனை அடுத்து உடனடியாக அதற்கு பதில் அளித்த மின்சாரத் துறை அமைச்சர் தங்கம் தென்னரசு தற்போது நகர் முழுவதும் மின்சாரத் துறையின் பணிகள் நடந்துகொண்டு வருவதாகவும் இதனால் குறைந்தபட்ச இடையூறுகளை தவிர்க்க முடியவில்லை என்று தெரிவித்துள்ளார் 

இருப்பினும் உங்கள் பகுதியில் மின்வெட்டு குறித்து உடனடியாக நடவடிக்கை எடுக்க சம்பந்தப்பட்ட அதிகாரிகளுக்கு உத்தரவு பிறப்பித்துள்ளேன் என்றும் உங்களுக்கு ஏற்பட்ட தடங்கலுக்கு வருத்தம் தெரிவிக்கிறேன் என்றும் தெரிவித்துள்ளார். மின்சார துறை அமைச்சரின் இந்த உடனடி பதில் அவரது நன்மதிப்பை உயர்த்தி உள்ளதாக பொதுமக்கள் கருத்து தெரிவித்து வருகின்றனர்.

Edited by Mahendran