1. செய்திகள்
  2. செய்திகள்
  3. த‌மிழக‌ம்
  4. Heavy rain in some places of chennai

சென்னையின் பல பகுதிகளில் கனமழை.. குளிர்ந்த தட்பவெப்பத்தால் மக்கள் மகிழ்ச்சி..!

Chennai Rain
கடந்த சில நிமிடங்களாக சென்னையில் உள்ள பல்வேறு பகுதிகளில் மழை பெய்து வருவதாக தகவல் வெளியாகி உள்ளன. 
 
கோடைகாலமாக இருந்தாலும் தமிழகத்தில் அவ்வப்போது மிதமான மழை முதல் கனமழை வரை பெய்து தற்போது நிலையை மாற்றி வருகிறது என்பதை பார்த்து வருகிறோம். 
 
அந்த வகையில் இன்று சென்னை உள்பட 16 மாவட்டங்களில் மழை பெய்யும் என ஏற்கனவே வானிலை ஆய்வு மையம் தெரிவித்திருந்த நிலையில் சற்று முன் சென்னை உள்ள முக்கிய இடங்களில் கன மழை பெய்து வருகிறது. 
 
சென்னை தேனாம்பேட்டை, அண்ணா சாலை, எழும்பூர், நந்தனம், மயிலாப்பூர், தியாகராய நகர் உள்ளிட்ட பகுதிகளில் கன மழை பெய்து வருவதாகவும் சென்னையின் மேலும் சில பகுதிகளில் மிதமான மழை பெய்து வருவதாகவும் தகவல் வெளியாகி உள்ளன. 
 
சென்னையில் கடந்த சில நாட்களாக வெயில் கொளுத்தி வந்த நிலையில் தற்போது மழை பெய்வதை எடுத்து சென்னை மக்கள் மகிழ்ச்சி அடைந்துள்ளனர். 
 
Edited by Mahendran
 
அடுத்த கட்டுரையில்
உத்தவ் தாக்கரே கூட்டணி மாறுகிறாரா? மீண்டும் பாஜக கூட்டணியில் இணைகிறாரா?