கருணாநிதியின் உடல் நிலையை விசாரித்த கவுண்டமணி.....

திமுக தலைவர் கருணாநிதியின் உடல்நிலை குறித்து நடிகர் கவுண்டமணி நேரில் சென்று விசாரித்தார்.

திமுக தலைவர் கருணாநிதி உடல்நலக்குறைவால் காவேரி மருத்துவமனையில் அனுமதிக்கப்பட்டு உள்ள நிலையில் அவருடைய உடல்நிலை தற்போது சீராக இருப்பதாக மருத்துவமனை நிர்வாகம் தெரிவித்துள்ளது.

நேற்று முன் தினம காங்கிரஸ் தலைவர் ராகுல் காந்தி கருணாநிதியை சந்தித்தார். அதன் பின்னர் இரவு நடிகர் ரஜினிகாந்த் தனது படப்பிடிப்புகளை முடித்துக்கொண்டு நேற்று சென்னை வந்ததும் கருணாநிதியை சந்தித்தார்.  அதேபோல் நடிகர் விஜய் நேற்று காலை காவேரி மருத்துவமனை சென்றார். அவரைத் தொடர்ந்து நேற்று இரவு, நடிகர் அஜித் காவேரி மருத்துவமனைக்கு நேரடியாக சென்று கருணாநிதியின் உடல் நிலை குறித்து விசாரித்தார்.

இந்நிலையில், நேற்று இரவு நடிகர் கவுண்டமணி காவேரி மருத்துவமனை சென்று மு.க.ஸ்டாலினிடம் கருணாநிதியின் உடல்நிலை குறித்து விசாரித்தார்.