இன்று முதல் ரேசன் கடைகளில் தக்காளி விற்பனை.. நிபந்தனைகள் உண்டா?

இன்று முதல் ரேஷன் கடைகளில் தக்காளி விற்பனை செய்யப்படும் என்றும் தக்காளி வாங்குபவர்களுக்கு எந்த விதமான நிபந்தனையும் இல்லை என்றும் அறிவிக்கப்பட்டுள்ளது. 

தக்காளி விலை கடந்த சில நாட்களாக உயர்ந்து கொண்டே வரும் நிலையில் ரேஷன் கடைகளில் தக்காளி விற்பனை செய்ய தமிழக அரசு தீவிர முயற்சி செய்தது. 

இதனை அடுத்து சென்னையில் இன்று முதல் 82 ரேஷன் கடைகளில் தக்காளி விற்பனை செய்ய ஏற்பாடு செய்யப்பட்டுள்ளது. ரேஷன் கடைகளில் தக்காளி வாங்குவதற்கு எந்த விதமான கட்டுப்பாடும் இல்லை என்றும் குடும்ப அட்டையை கூட காண்பிக்க தேவையில்லை என்றும் யார் வேண்டுமானாலும் தக்காளி வாங்கிக் கொள்ளலாம் என்று அறிவிக்கப்பட்டுள்ளது. 

வெளியில் தக்காளி ரூபாய் 120 முதல் 160 வரை விற்கப்பட்டு வரும் நிலையில் ரேஷன் கடைகளில் வெறும் 60 ரூபாய்க்கு தக்காளி விற்பனையாக இருக்கிறது என்பது குறிப்பிடத்தக்கது

Edited by Siva