சென்னையில் 7 பேருந்துகளின் வழித்தட எண்கள் மாற்றம்.. முழு விவரங்கள்..!

Publish: Thu, 1 May 2025 (09:38 IST) Updated: Thu, 1 May 2025 (09:41 IST)

சென்னை மாநகரப் பேருந்துக் கழகம் வெளியிட்டுள்ள அறிவிப்பில், பயணிகள் வசதிக்காக தற்போதுள்ள சில பேருந்து வழித்தட எண்களில் மாற்றங்கள் செய்யப்பட்டுள்ளன. புதிய அமைப்பின்படி, ஏழு பேருந்து வழித்தடங்களின் எண்கள் மாற்றப்பட்டு  இயக்கப்படவுள்ளன. இந்த மாற்றங்கள் மே 1  அதாவது இன்று முதல் நடைமுறைக்கு வருகின்றன.

இதன்படி, மாதவரம் - தாம்பரம் செல்லும் 121எஃப் என்ற வழித்தடம் இனிமேல் 170ஏ என மாற்றப்பட்டுள்ளது.

அதேபோல், கவியரசு கண்ணதாசன் நகர் - தாம்பரம் பஸ்சின் எண் 121எச் இப்போதும் 170டி என அழைக்கப்படும்.

ஐயப்பன்தாங்கல் - பிராட்வே செல்லும் 11ஜிஇடி பஸ், இனிமேல் 11எம் என மாற்றப்பட்டுள்ளது.

பிராட்வே - கிளாம்பாக்கம் செல்லும் 18ஏஎக்ஸ் பஸ்சின் எண் 18ஏ ஆகவும், திருவான்மியூர் - கிளாம்பாக்கம் வழித்தடம் 91கே இப்போதும் 91 ஆகவும் மாற்றம் செய்யப்பட்டுள்ளது.

பூந்தமல்லி - கூடுவாஞ்சேரி வழியில் இயக்கப்படும் 66எக்ஸ் பஸ் இப்போது 66பிஎக்ஸ் என்ற எண்ணுடன் இயங்கும்.

மேலும், கவியரசு கண்ணதாசன் நகர் - கிளாம்பாக்கம் செல்லும் 121எச் இடி என்ற பஸ், 170டி.எக்ஸ் எனப் பெயர் மாற்றம் செய்யப்பட்டுள்ளதாகவும் கூறப்பட்டுள்ளது.

இம்மாற்றங்கள் பயணிகளுக்கு தெளிவும், வசதியும் அளிக்கும் வகையில் செய்யப்பட்டதாக அதிகாரிகள் தெரிவித்துள்ளனர்.

Edited by Siva