தமிழக மக்களின் உணர்வுகளையும் புரிந்து கொள்ள வேண்டும்.. ஆளுநருக்கு அன்புமணி கண்டனம்..!

தமிழ்நாட்டின் மரபுகளையும், தவறுகள மக்களின் உணர்வுகளையும் ஆளுநர் புரிந்து கொள்ள வேண்டும் என பாட்டாளி மக்கள் கட்சியின் தலைவர் அன்புமணி தெரிவித்துள்ளார்.

தேசிய கீதம் ஒலிக்கப்பட வேண்டும் என்று தமிழக ஆளுநர் இன்று சட்டமன்றத்தில் கோரிக்கை விடுத்த நிலையில் அவருடைய கோரிக்கை நிராகரிக்கப்பட்டு தமிழ் தாய் வாழ்த்து பாடப்பட்டது. இதற்கு எதிர்ப்பு தெரிவித்து ஆளுநர் ரவி, அரசின் உரையை வாசிக்காமல் வெளியேறிய நிலையில் இது குறித்து பாமக தலைவர் அன்புமணி தனது சமூக வலைதளத்தில் கண்டனம் தெரிவித்துள்ளார். அவர் இது குறித்து கூறியிருப்பதாவது:

தமிழ்நாட்டின் மரபுகளையும், தமிழக மக்களின் உணர்வுகளையும் ஆளுனர் புரிந்து கொள்ள வேண்டும். ஆளுனருக்கு உரிய மரியாதை அரசு அளிக்க வேண்டும். தமிழ்நாட்டில் சாதிவாரி மக்கள்தொகை கணக்கெடுப்பு ,  பெண்களுக்கு பாதுகாப்பு, படித்த இளைஞர்களுக்கு வேலைவாய்ப்பு, அரசு ஊழியர்களின் கோரிக்கைகள், உழவர்களின் எண்ணிக்கையிலடங்காத கோரிக்கைகள், பட்டியலின மக்களின் தேவைகள் என விவாதிக்கப்படுவதற்கும், செயல்படுத்தப்படுவதற்கும் ஏராளமான விவகாரங்கள் உள்ளன. அவற்றை விடுத்து, கவனத்தை திசைதிருப்பும் வகையிலான எந்த செயலையும் ஏற்றுக் கொள்ள முடியாது. அவை தவிர்த்திருக்கப்பட வேண்டும்.

Edited by Mahendran