அ.தி.மு.க. - என்.ஆர்.காங்கிரஸ் கூட்டணியால் பாமக அதிருப்தி!

Last Modified வியாழன், 21 பிப்ரவரி 2019 (21:18 IST)
அதிமுக கூட்டணியில் 7 மக்களவை தொகுதிகளையும் ஒரு மாநிலங்களவை தொகுதிகளையும் பெற்ற நிலையில் பாமக தனது விருப்பத்திற்குரிய தொகுதிகளாக கொடுத்த பட்டியலில் புதுச்சேரியும் உள்ளது. ஏற்கனவே புதுச்சேரியில் பாமக போட்டியிட்டுள்ளதால் அந்த தொகுதியை அதிமுகவிடம் இருந்து பெற்றுவிட வேண்டும் என்பதே அக்கட்சியின் எண்ணமாக இருந்தது
ஆனால் சற்றுமுன் அதிமுகவுடன் என்.ஆர்.காங்கிரஸ் கூட்டணி அமைத்து புதுச்சேரி தொகுதியை பெற்றுவிட்டது. இதனால் பாமக தரப்பு கடும் அதிருப்தியில் இருப்பதாக கூறப்படுகிறது. இருப்பினும் ஏழு தொகுதியும் அதைவிட ஒரு மாநிலங்களவை தொகுதியும் முக்கியம் என்பதை கருத்தில் கொண்டு தனது ஆதங்கத்தை வெளியே சொல்ல முடியாத நிலையில் இருப்பதாக பாமக வட்டாரங்கள் கூறுகின்றன
ஏற்கனவே புதுச்சேரி தொகுதியை திமுக கூட்டணியில் இருந்து காங்கிரஸ் பெற்றுள்ளதால் தற்போது புதுச்சேரியில் காங்கிரஸ் மற்றும் என்.ஆர்.காங்கிரஸ் நேரடி போட்டி என்பது உறுதியாகிவிட்டது.



இதில் மேலும் படிக்கவும் :