17 வயது சிறுவனுடன் இன்ஸ்டாவில் காதல்.. அம்மாவின் நகைகளுடன் வீட்டை வீட்டு ஓடிய 15 வயது சிறுமி..!
17 வயது சிறுவனை இன்ஸ்டாவில் காதலித்த 15 வயது சிறுமி அம்மாவின் நகைகளுடன் வீட்டை விட்டு ஓடிய சம்பவம் பெரும் பரபரப்பை ஏற்படுத்தி உள்ளது.
திருப்பூரை சேர்ந்த 15 வயது சிறுமி இன்ஸ்டா மூலம் 17 வயது சிறுவனை காதலித்ததாகவும் இருவரும் இன்ஸ்டாவில் தங்களது காதலை பகிர்ந்து கொண்டதாகவும் தெரிகிறது. இந்த நிலையில் ஒரு கட்டத்தில் சிறுமியிடம் சிறுவன் ஐபோன் வாங்கி தா என்று கேட்டதாகவும் இதனை அடுத்து அம்மாவின் ஏழு சவரன் நகைகளுடன் வீட்டை விட்டு வெளியேறிய சிறுமி அந்த நகைகளை விற்று சிறுவனுக்கு ஐபோன் வாங்கியதாகவும் கூறப்படுகிறது.
இந்த சம்பவம் பெரும் பரபரப்பை ஏற்படுத்திய நிலையில் நகைகளுடன் சிறுமியை காணவில்லை என சிறுமியின் பெற்றோர் போலீசில் புகார் அளித்த நிலையில் சிறுமியையும் சிறுவனையும் போலீசார் கண்டுபிடித்தனர்.
அவர்களிடம் நடத்திய விசாரணையில் சிறுமியின் அம்மாவின் நகைகளை விற்று இருவரும் ஆளுக்கு ஒரு ஐபோன் வாங்கியது தெரியவந்தது. இதனை அடுத்து போலீசார் சிறுவனை பிடித்து விசாரணை செய்து வருவதாக கூறப்படுகிறது. இந்த சம்பவம் திருப்பூர் பகுதியில் பெரும் பரபரப்பை ஏற்படுத்தி உள்ளது.
Edited by Siva
