வெள்ளி, 29 மார்ச் 2024
  1. செய்திகள்
  2. செய்திகள்
  3. தேசியச் செய்திகள்
Written By Sugapriya Prakash
Last Modified: திங்கள், 18 மே 2020 (16:10 IST)

நோட் திஸ்... ப.சிதம்பரம் மோடியின் மோசடி குறித்து ட்விட்!!

பொருளாதார ஊக்கத் திட்டத்தின் மதிப்பு ரூ.20 லட்சம் கோடி அல்ல, வெறும் ரூ.1,86,650 கோடி தான் என ப.சிதம்பரம் ட்விட்டரில் பதிவிட்டுள்ளார். 
 
பிரதமர் மோடி கடந்த சில தினங்களுக்கு முன்னர் ஊரடங்கு நீட்டிக்கப்படுகிறது என அறிவித்த போது ரூ.20 லட்சம்  கோடி திட்டத்தையும் அறிவித்தார். இதனைத்தொடர்ந்து கடந்த சில நாட்களாக இந்த திட்டத்தை மக்களுக்கு விவரித்து வந்தார் நிதியமைச்சர் நிர்மலா சீதாராமன். 
 
இந்நிலையில் இந்த அறிவிப்புகள் வெறும் கண்துடைப்பு மோசடி என்பதை குறிப்பது போல முன்னாள் நிதி அமைச்சர் ப.சிதம்பரம் தனது ட்விட்டர் பக்கத்தில் ஒரு பதிவினை போட்டுள்ளார். அதில் அவர் குறிப்பிட்டுள்ளதாவது, 
 
பிரதமரும், நிதி அமைச்சரும் அறிவித்த பொருளாதார ஊக்கத் திட்டத்தின் மதிப்பு ரூ.20 லட்சம் கோடி அல்ல, வெறும் ரூ.1,86,650 கோடி தான். ரூ 1,86,650 கோடி மட்டுமே! இந்த எண்ணை எப்பொழுதும் நினைவில் கொள்ளுங்கள். இன்னும் சில மாதங்களில் உண்மை தெரிந்துவிடும் என குறிப்பிட்டுள்ளார். இந்த ட்விட் கடும் பரபரப்பை ஏற்படுத்தியுள்ளது.