தங்கம் விலை உயர்ந்ததற்கு பிரதமர் மோடி தான் காரணம்.. சித்தராமையா
தங்கம் உள்பட அனைத்து பொருட்களின் விலை உயர்ந்ததற்கு பிரதமர் மோடியே காரணம் என கர்நாடக மாநில முதலமைச்சர் சித்தராமையா கடுமையாக விமர்சனம் செய்திருப்பது பரபரப்பை ஏற்படுத்தி உள்ளது.
‘பெட்ரோல் மற்றும் டீசல் மீதான விலையை பாஜக அரசு உயர்த்தி உள்ளது’ என்றும், ‘சமையல் கேஸ் விலையும் உயர்ந்துள்ளது’ என்றும், ‘நாட்டில் உள்ள விலைவாசி உயர்வுக்கு பிரதமர் நரேந்திர மோடி பொறுப்பேற்க வேண்டும்’ என்றும் அவர் தெரிவித்தார்.
2014 ஆம் ஆண்டு 10 கிராம் தங்கம் விலை ரூ.28,000 ஆக இருந்த நிலையில், தற்போது ரூ.95,000 ஆக உள்ளது என்றும், காங்கிரஸ் தலைமையிலான ஆட்சியின் போது ஒரு கிலோ வெள்ளி ரூ.43,000 ஆக இருந்த நிலையில், தற்போது ரூ.94,000 என விற்பனை ஆகி வருகிறது என்றும் அவர்கள் விதாராம்.
அதே போல், ‘அமெரிக்க டாலருக்கு நிகரான இந்திய பணம் மதிப்பும் சரிந்து வருகிறது’ என்றும், 2014ல் ரூ.59 ஆக இருந்த இந்திய பணம் தற்போது ரூ.87 ஆக இருப்பது என்றும், இதற்கெல்லாம் நரேந்திர மோடியின் ஆட்சி தான் காரணம் என்றும் அவர் தெரிவித்தார்.
அதேபோல், சிமெண்ட் விலை, இரும்பு விலை உள்பட அனைத்தும் விலை உயர்ந்துள்ளதாகவும், அதனால் பொதுமக்கள் கோபமாக இருப்பதாகவும் அவர் கூறினார்.
Edited by Siva
