எதிர்கட்சி அந்தஸ்தை பெறுமா காங்கிரஸ்?? காத்திருக்கும் சவால்!!

Last Updated: வியாழன், 23 மே 2019 (14:32 IST)
மக்களவையில் காங்கிரஸ் எதிர்கட்சி என்னும் அந்தஸ்தையும் இழந்துவிடுமோ என்ற சந்தேகம் எழுந்துள்ளது. 
 
மக்களவைத் தேர்தல் முடிவுகள் இன்று காலை முதல் அறிவிக்கப்பட்டு வருகின்றன. இந்திய அளவில் மற்றும் அதன் கூட்டணிக் கட்சி தனிப்பெரும்பாண்மையோடு ஆட்சி அமைக்கும் அளவுக்கு முன்னிலை பெற்று வருகின்றனர். 
 
அதாவது பாஜக தனித்தே 301 தொகுதிகளில் முன்னிலை பெற்றுள்ளது. கூட்டணியோடு சேர்த்து 349 தொகுதிகளில் முன்னிலை பெற்றுள்ளது. அதேபோல் காங்கிரஸ் கட்சி தனித்து 50 தொகுதிகளில் முன்னிலை பெற்றுள்ளது, கூட்டணியோடு 89 தொகுதிகளில் முன்னிலை பெற்றுள்ளது. மற்றவை 104 தொகுதிகளில் முன்னிலை பெற்றுள்ளன. 
 
தற்போது காங்கிரஸ் முன்னர் பெரிய சவால் ஒன்று காத்திருக்கிறது. மக்களவை தேர்தலில் எதிர்கட்சி என்னும் அந்தஸ்து பெருவதற்கு 55 தொகுதிகளில் வெற்றி பெற வேண்டும். 
 
ஆனால், இப்போது காங்கிரஸ் 50 தொகுதிகளில் மட்டுமே முன்னிலையில் உள்ளதால், எதிர்கட்சி என்னும் அந்தஸ்து பெறுவதே சிக்கலாகி உள்ளது. இந்த சிக்கலில் இருந்து காங்கிரஸ் தப்பிக்க இன்னும் 5 தொகுதிகளில் முன்னிலை பெறுவதோடு வெற்றியும் பெற வேண்டிய கட்டாயத்தில் காங்கிரஸ் தள்ளப்பட்டுள்ளது. 


இதில் மேலும் படிக்கவும் :