ஐபிஎல்10 - யுவராஜ் சிங் விக்கெட்டால் எளிதில் வெற்றியடைந்த புனே
ஐபிஎல் 10வது சீசன் இன்று நடைப்பெற்ற முதல் ஆட்டத்தில் புனே அணி 12 ரன்கள் வித்தியாசத்தில் ஹைதராபாத் அணி வீழ்த்தியது.
ஐபிஎல் 10வது சீசன் லீக் போட்டியில் இன்று நடைப்பெற்ற முதல் ஆட்டத்தில் புனே, ஹைதராபாத் ஆகிய அணிகள் மோதின. டாஸ் வென்ற ஹைதராபாத் அணி பந்திவீச்சை தேர்வு செய்தது. அதன்படி முதலில் பேட் செய்த புனே அணி 20 ஓவர் முடிவில் 8 விக்கெட் இழப்பிற்கு 148 ரன்கள் குவித்தது.
அதிகப்பட்சமாக புனே அணியில் ஸ்டோக்ஸ் 25 பந்துகளில் 39 ரன்கள் குவித்தார். இதையடுத்து 149 ரன்கள் எடுத்தால் வெற்றி என்ற இலக்குடன் ஆட்டத்தை தொடங்கிய ஹைதராபாத் அணி ஆரம்பத்திலே இரண்டு விக்கெட்டை பறிகொடுத்தது.
தொடக்க ஆட்டக்காரரான வார்னர் மற்றும் யுவராஜ் சிங் ஆகியோர் ஆட்டத்தால் ஹைதராபாத் அணி வெற்றியை நோக்கி சென்றது. வார்னரை தொடர்ந்து யுவராஜ் சிங் வெளியேற ஆட்டத்தின் போக்கு மாறியது. அடுத்து வந்த வீரர்கள் சொற்ப ரன்களில் ஆட்டமிழக்க ஹைதராபாத் அணி 20 ஓவர் முடிவில் 9 இழப்பிற்கு 136 ரன்கள் மட்டுமே குவித்தது.
புனே அணி 12 ரன்கள் வித்தியசத்தில் வெற்றிப் பெற்றது. இதன்மூலம் புனே 18 புள்ளிகள் பெற்று தரவரிசையில் இரண்டாம் இடத்தைப் பிடித்தது.
அடுத்த கட்டுரையில்
