வெள்ளி, 29 மார்ச் 2024
  1. செய்திகள்
  2. வ‌ணிக‌ம்
  3. செய்திகள்
Written By Prasanth Karthick
Last Modified: புதன், 30 அக்டோபர் 2019 (11:57 IST)

அள்ளித்தரும் அமேசான்; இந்தியாவில் மேலும் 4500 கோடி முதலீடு!

ஆன்லைன் வர்த்தகத்தில் கொடிக்கட்டி பறக்கும் அமேசான் நிறுவனம் இந்தியாவில் மேலும் 4500 கோடி ரூபாய் முதலீடு செய்யப்போவதாக தெரிவித்துள்ளது.

இந்தியாவில் செயல்படும் ஆன்லைன் விற்பனை தளங்களில் முக்கியமான ஒன்று அமேசான். அமெரிக்காவை தலைமையிடமாக கொண்டு செயல்படும் அமேசான் பல்வேறு தள்ளுபடிகளை அளித்து வாடிக்கையாளர்களை கவர்ந்துள்ளது.

சமீபத்தில் விழாக்கால விற்பனையை துவங்கிய அமேசான் அதன்மூலம் பெரும் வருவாயை ஈட்டியுள்ளது. ஆன்லைன் விற்பனையில் மட்டுமல்லாமல் உணவு விற்பனை, டிக்கெட் முன்பதிவு என மேலும் பல சேவைகளிலும் ஈடுபட்டு வருகிறது. இந்நிலையில் இந்தியாவின் பங்குசந்தை தற்போது நல்ல முன்னேற்றத்தை கண்டு வருவதால் மேற்படி 4500 கோடியை முதலீடு செய்யப்போவதாக அறிவித்துள்ளது அமேசான்.

இந்த 4500 கோடி முதலீடு என்பது அமேசான் உணவுக்காக தனியாக தொடங்கப்போவதாக கூறப்படும் புதிய செயலிக்கான முதலீடாக இருக்கலாம் எனவும் கூறப்படுகிறது.