தொடர்புடைய செய்திகள்
- சர்பராஸ் கானை வாங்க முடிவு செய்துள்ளதா சென்னை சூப்பர் கிங்ஸ் அணி?
- இங்கிலாந்தில் ஐபிஎல் போன்ற தொடரை ஆரம்பிக்கும் லலித் மோடி… கைகோர்க்கிறதா சி எஸ் கே அணி நிர்வாகம்?
- சிஎஸ்கே அணிக்குப் பெரும் பின்னடைவு… முக்கிய வீரர் காயத்தால் அவதி!
- ஐபிஎஸ் அதிகாரிக்கு எதிராக எம்.எஸ்.தோனி தொடர்ந்த வழக்கு! – சிறை தண்டனையை நிறுத்தி வைத்த நீதிமன்றம்!
- கேப்டன் தோனியுடனான உரையாடலை பகிர்ந்த CSK வீரர் மஹீஸ் தீக்ஷனா !
மனிதர் உணர்ந்து கொள்ள.. இது மனிதக் காதல் அல்ல..! – ‘தல’ தோனிக்கு சிஎஸ்கே வெளியிட்ட வீடியோ வைரல்!
குணா படத்தின் ‘கண்மணி அன்போடு’ பாடல் வைரலாகி வரும் நிலையில் அதை வைத்து சிஎஸ்கே அணி சமூக வலைதளத்தில் வெளியிட்டுள்ள வீடியோ ரசிகர்களிடையே வைரலாகியுள்ளது.
சமீபத்தில் மலையாளத்தில் வெளியான ‘மஞ்சுமெல் பாய்ஸ்’ படத்தில் குணா குகையை பார்க்க சென்று அதில் உள்ள பள்ளத்தாக்கில் சிக்கிக் கொண்ட நண்பனை மீட்க சக நண்பர்கள் மேற்கொள்ளும் போராட்டங்களை படமாக்கியிருந்தார்கள். நட்பையும், அன்பையும் சிறப்பாக காட்சிப்படுத்திய இந்த படம் தமிழ்நாட்டிலும் சக்கைப்போடு போட்டு வருகிறது.
அதில் கமல்ஹாசனின் குணா படத்தில் வரும் “கண்மணி அன்போடு காதலன்” பாடல் இடம்பெற்றதை அடுத்து சமூக வலைதளங்கள் முழுவதும் அந்த பாடல் பெரும் ட்ரெண்டாகி வருகிறது. இந்நிலையில் சிஎஸ்கே அணியும் அந்த பாடலை வைத்து வீடியோ எடிட் செய்துள்ளனர்.
கடந்த ஆண்டு ஐபிஎல்லில் சிஎஸ்கே பெற்ற த்ரில்லிங் வெற்றி காட்சிகளும், அதை வீட்டிலிருந்து கண்டு ஆனந்த கண்ணீர் விட்ட ரசிகர்களின் காட்சிகளையும் தொகுத்து வெளியாகியுள்ள அந்த வீடியோ சிஎஸ்கே ரசிகர்களிடையே வைரலாகியுள்ளது. அதில் “அபிராமியே தாலாட்டும் சாமியே நான் தானே தெரியுமா?” என்ற இடத்தில் தோனி நடந்து வரும் காட்சிகள் இடம்பெற்று ரசிகர்களை உணர்ச்சிவசப்படுத்தியுள்ளது.
Edit by Prasanth.K
