1. விளையாட்டு
  2. கிரிக்கெட்
  3. செய்திகள்
  4. Shami became the second fastest bowler to scalp 200 odi wickets

ஒரு நாள் போட்டிகளில் அதிவேக 200 விக்கெட்கள்… ஷமி படைத்த புதிய சாதனை!

முகமது ஷமி
கிட்டத்தட்ட ஒரு ஆண்டுக்கும் மேலாக முழங்கால் காயத்தினால் அவதிப்பட்டு வந்த ஷமி சமீபத்தில் இந்திய அணியில் இணைத்துக் கொள்ளப்பட்டார். இங்கிலாந்துக்கு எதிரான ஒரு நாள் தொடரில் சிறப்பாக பங்களிப்பு செய்த அவர் சாம்பியன்ஸ் கோப்பை தொடரின்  முதல் போட்டியிலேயே பங்களாதேஷ் அணிக்கு எதிராக 5 விக்கெட்களை வீழ்த்தி அசத்தியுள்ளார்.

நேற்று நடைபெற்ற இந்த போட்டியில் 53 ரன்கள் விட்டுக்கொடுத்து அவர் ஐந்து விக்கெட்களை வீழ்த்தினார். அவரின் சிறப்பான பந்துவீச்சால் பங்களாதேஷை குறைவான ரன்களுக்குள் கட்டுப்படுத்த முடிந்தது.

இந்த போட்டியில் ஷமி ஒரு நாள் போட்டிகளில் 200 விக்கெட்கள் என்ற மைல்கல்லை எட்டியுள்ளார். மேலும் உலகிலேயே அதிவேகமாக 200 விக்கெட்கள் வீழ்த்திய இரண்டாவது பவுலர் என்ற சாதனையையும் படைத்துள்ளார். அவர் 104 இன்னிங்ஸ்களில் இந்த சாதனையைப் படைத்துள்ளார். முதலிடத்தில் இருக்கும் மிட்செல் ஸ்டார்க் 102 போட்டிகளில் இந்த மைல்கல்லை எட்டினார்.
அடுத்த கட்டுரையில்
சாம்பியன்ஸ் டிராபி.. சுப்மன் கில் அபார சதம்.. முதல் வெற்றியை பதிவு செய்தது இந்திய அணி..!