”தம்பி.. நியூஸிலாந்து கீழ இறங்குப்பா” மீண்டும் முதலிடத்தில் இந்தியா! – ஐசிசி தரவரிசை!

Publish: Tue, 19 Jan 2021 (13:31 IST) Updated: Tue, 19 Jan 2021 (13:33 IST)

ஆஸ்திரேலியா உடனான டெஸ்ட் ஆட்டத்தில் வெற்றிப்பெற்றதை தொடர்ந்து மீண்டும் தரவரிசையில் முதலிடத்தை இந்திய அணி பிடித்துள்ளது.

இந்தியா – ஆஸ்திரேலியா இடையேயான சுற்றுப்பயண ஆட்டங்கள் இந்தியாவில் நடந்து வந்தது. இந்தில் 4 டெஸ்ட் போட்டிகள் கொண்ட தொடரில் இந்தியா விளையாடி வந்த நிலையில் முதல் இரு ஆட்டங்களில் 1-1 என்ற சமநிலையில் இரண்டு அணிகளும் இருந்த நிலையில் மூன்றாவது ஆட்டம் ட்ரா ஆனது.

இதனால் நான்காவது டெஸ்ட் போட்டி பெரிதும் எதிர்பார்ப்பை ஏற்படுத்தியிருந்தது. நேற்று மழையால் பாதிக்கப்பட்ட இரண்டாவது இன்னிங்ஸ் இன்று தொடங்கப்பட்ட நிலையில் அபாரமான ஆட்டத்தை வெளிப்படுத்திய இந்தியா 3 விக்கெட் வித்தியாசத்தில் ஆஸ்திரேலியாவை வென்றது.

இதுவரை ஐசிசி தரவரிசை பட்டியலில் நியூஸிலாந்து அணி முதலிடம் வகித்து வந்தது. இந்நிலையில் ஆஸ்திரேலியாவை இந்தியா வென்றதன் மூலம் மீண்டும் ஐசிசி தரவரிசையில் முதலிடத்தை இந்தியா பிடித்துள்ளது. நியூஸிலாந்து இரண்டாம் இடத்திற்கு தள்ளப்பட்டுள்ளது.