சிஎஸ்கே வீரருக்கு கெட்டிமேளம்; வேட்டி சட்டையில் தல தோனி! – வைரலாகும் புகைப்படங்கள்!
சென்னை அணி வீரர் கான்வேக்கு திருமணம் நடைபெற உள்ள நிலையில் சென்னை அணி வீரர்கள் வேஷ்டி அணிந்து நிகழ்ச்சியில் பங்கேற்றது வைரலாகியுள்ளது.
நடப்பு ஆண்டு ஐபிஎல் சீசன் தொடங்கி பரபரப்பாக நடந்து வருகிறது. நடப்பு சாம்பியனான சென்னை அணி இந்த சீசனில் மோசமான தோல்விகளை தழுவியுள்ளது. ஆனால் அந்த சோகங்களை தாண்டி சிஎஸ்கேவில் ஒரு கொண்டாட்ட நிகழ்வும் நடந்துள்ளது.
சென்னை அணிக்காக விளையாடும் தென்னாப்பிரிக்க வீரர் டெவோன் கான்வேக்கு விரைவில் திருமண நடைபெற உள்ளது. இதற்காக சிஎஸ்கே வீரர்கள் நடத்திய நிகழ்ச்சியில் அனைத்து வீரர்களும் தமிழக பாரம்பரிய முறைப்படி வேஷ்டி அணிந்தனர். அணியின் முன்னாள் கேப்டன் தோனியும் வேஷ்டி சட்டையில் வந்தார். இந்த புகைப்படங்கள் சமூக வலைதளங்களில் ட்ரெண்டாகியுள்ளன.
