சல்மான் கான் நடிக்கும் படத்தை இயக்கும் அஜித்தின் ஆஸ்தான இயக்குனர்!

Publish: Sat, 29 Apr 2023 (14:50 IST) Updated: Sat, 29 Apr 2023 (14:52 IST)

அஜித்துக்கு பில்லா மற்றும் ஆரம்பம் ஆகிய இரண்டு வெற்றிப்படங்களைக் கொடுத்த விஷ்ணுவர்தன், மீண்டும் அஜித் பட வாய்ப்புக்காக காத்திருந்தார். சமீபத்தில் விக்னேஷ் சிவன் அஜித் 62 படத்தில் இருந்து நீக்கப்பட்ட போது அந்த படத்தை இயக்க விஷ்ணுவர்தனிடம் பேச்சுவார்த்தை நடத்தப்படுவதாக சொல்லப்பட்டது. ஆனால் அந்த படத்தை மகிழ் திருமேனி இயக்க உள்ளார்.

இந்நிலையில் விஷ்ணுவர்தன் இப்போது பாலிவுட்டில் சல்மான் கான் நடிக்கும் படத்தை இயக்க உள்ளதாக சொல்லப்படுகிறது. இந்த படத்தை பிரபல இயக்குனர் கரண் ஜோஹரின் தர்மா புரொடக்‌ஷன்ஸ் நிறுவனம் தயாரிக்க உள்ளது என்று சொல்லப்படுகிறது.

ஏற்கனவே விஷ்ணுவர்தன் பாலிவுட்டில் ஷேர்ஷா என்ற படத்தையும் இயக்கியுள்ளார் என்பது குறிப்பிடத்தக்கது.