1. செய்திகள்
  2. ‌பி‌பி‌சி த‌மி‌ழ்
  3. ‌பி‌பி‌சி செ‌ய்‌திக‌ள்
  4. Accusation Agreement Disrupts Regional Peace - China Opinion

ஆக்கஸ் ஒப்பந்தம் வட்டார அமைதியைக் கெடுப்பது - சீனா கருத்து

அமெரிக்கா
அமெரிக்கா, பிரிட்டன் மற்றும் ஆஸ்திரேலியா இடையே எட்டப்பட்ட ஆயுத ஒப்பந்தம் பொறுப்பற்றது, குறுகிய மனப்பான்மை கொண்டது என்று விமர்சித்துள்ளது சீனா.
 
புதன்கிழமை அறிவிக்கப்பட்ட இந்த ஒப்பந்தத்தின்படி அமெரிக்காவும், பிரிட்டனும் ஆஸ்திரேலியாவுக்கு அணு சக்தி நீர்மூழ்கிக் கப்பலைக் கட்டுவதற்கான தொழில்நுட்பத்தை முதல் முறையாக வழங்கும்.
 
சர்ச்சைக்குரிய தென் சீனக் கடல் பகுதியில் சீனாவின் செல்வாக்கை கட்டுப்படுத்துவதற்கான முயற்சி என்று இந்த ஒப்பந்தம் பரவலாகப் பார்க்கப்படுகிறது.
 
இந்த தென் சீனக் கடல் பகுதி நீண்ட காலமாகவே பதற்றத்தை உண்டாக்கும் பகுதியாக இருந்து வருகிறது.
 
இந்த ஒப்பந்தத்துக்கு எதிர்வினையாற்றிய சீன வெளியுறவு அமைச்சக செய்தித் தொடர்பாளர் ஜாவோ லிஜியன் இந்த ஒப்பந்தம் வட்டார அமைதியை மோசமாகப் பாதிக்கும் என்றும், ஆயுதப் போட்டியைத் தீவிரமாக்கும் என்றும் கூறியுள்ளார்.
 
அடுத்த கட்டுரையில்
தமிழகம் வந்தார் புதிய கவர்னர். முதல்வர் நேரில் வரவேற்பு!