செக்ஸ் புகாரில் பிரபல சீன தொழிலதிபர் அமெரிக்காவில் கைது

அமெரிக்காவில் சீன தொழிலதிபர் ஒருவர் செக்ஸ் புகாரில் கைது செய்யப்பட்டு பின் விடுதலை செய்யப்பட்டார்.

சீனாவை சேர்ந்த பிரபல தொழிலதிபரும் கோடீஸ்வரருமான லியு குயாங்டாங் (45), ஜே.டி.காம் என்ற பெயரில் ஆன்லைன் வர்த்தக நிறுவனம் நடத்தி வருகிறார். இதைத் தவிர இவர் பல தொழில்களை செய்து வருகிறார்.

இந்நிலையில் அவர் தொழில் நிமித்தமாக அமெரிக்கா சென்றார். அப்போது அவரை போலீஸார் செக்ஸ் புகாரில் கைது செய்தனர். விசாரணைக்குப் பின் சிறிது நேரத்தில் அவர் விடுவிக்கப்பட்டார்.

இதுகுறித்து ஜே.டி.கே நிறுவனம், லியு குயாங்டாங்கை போலீஸார் பொய் புகாரில் கைது செய்ததாகவும், அதற்கான ஆதாரம் இல்லாததால் அவர் விடுவிக்கப்பட்டதாகவும் கூறியுள்ளது.