அட்டகாசமான சுவையில் பிரெஞ்சு ப்ரைஸ் செய்ய !!

தேவையான பொருட்கள்:

உருளைக்கிழங்கு - 2 (பெரியது)

உப்பு - சுவைக்கேற்ப

எண்ணெய் - பொரிப்பதற்கு தேவையான அளவு

செய்முறை:

* முதலில் உருளைக்கிழங்கின் தோலை நீக்கிவிட்டு, அதை நீள நீளமாக வெட்டிக் கொள்ளவும். அப்படி வெட்டும் போது உருளைக்கிழங்கு மிகவும் தடிமனாகவோ  அல்லது மிகவும் மெல்லியதாகவோ இருக்காமல் பார்த்து வெட்டுங்கள்.

* பின் வெட்டிய உருளைக்கிழங்கை நீரில் ஒருமுறை அலசி விட்டு, குளிர்ந்த நீரில் 10-15 நிமிடம் ஊறவையுங்கள். பின்பு ஒரு வாணலியை அடுப்பில் வைத்து,  அதில் பொரிப்பதற்கு தேவையான எண்ணெய் ஊற்றி சூடேற்றவும்.

* எண்ணெய் நன்கு சூடானதும், நெருப்பைக் குறைத்துவிட்டு, முதலில் உருளைக்கிழங்கு துண்டுகளைப் போட்டு நன்கு மொறுமொறுப்பாகும் வரை பொரித்து எடுத்துக்  கொள்ளவும்.

* பொரித்த உருளைக்கிழங்கு துண்டுகளை டிஷ்யூ பேப்பரின் மேல் வைத்து, குளிர வைக்கவும். பின் அதன் மேல் உப்பு தூவி ஒருமுறை பிரட்டி விட்டால்,  சுவையான பிரெஞ்சு ப்ரைஸ் தயார். இதை தக்காளி சாஸ் உடன் சேர்த்து சாப்பிட்டால் அற்புதமாக இருக்கும்.

குறிப்புகள்:

* சரியான பிரெஞ்சு பிரைஸ் தயாரிக்க வேண்டுமானால், வெட்டிய உருளைக்கிழங்கை ஐஸ் கட்டி நீரில் போட்டு 20-30 நிமிடம் ஊறவைத்து பயன்படுத்தலாம். பிறகு டிஷ்யூ பேப்பரில் போட்டு நன்கு உலர்த்திவிட்டு, 2 முறையாக பொரித்து எடுக்கலாம்.