வியாழன், 12 டிசம்பர் 2024
  1. பொழுதுபோக்கு
  2. சினிமா
  3. சினிமா செய்தி
Written By vinoth
Last Modified: வியாழன், 12 டிசம்பர் 2024 (11:44 IST)

ரிலீஸ் தேதியை லாக் செய்த விக்ரம்மின் ‘வீர தீர சூரன்’!

தமிழ் சினிமாவின் முன்னணி நடிகர்களில் ஒருவரான விக்ரம்மின் சமீபகாலமாக படங்கள் பெரிய வெற்றியைப் பெறவில்லை. அவர் பா ரஞ்சித் இயக்கத்தில் நடித்துள்ள தங்கலான் சமீபத்தில் ரிலீஸாகி குறிப்பிடத்தகுந்த வரவேற்பைப் பெற்றுள்ளது. இதற்கடுத்து விக்ரம், சமீபத்தில் சித்தா படத்தின் இயக்குனர் அருண் குமார் இயக்கத்தில் உருவாகும் ‘வீர தீர சூரன்’ படத்தில் நடித்து வருகிறார்.

இந்த படத்தில் மற்ற முக்கிய வேடங்களில் எஸ் ஜே சூர்யா, சுராஜ் வெஞ்சரமூடு மற்றும் துஷாரா ஆகியோர் நடிக்கின்றனர். இந்த படத்தின் ஷூட்டிங் விறுவிறுப்பாக மதுரையில் நடந்து வந்த நிலையில் தற்போது இறுதிகட்டத்தை எட்டியுள்ளது. வீர தீர சூரன் படத்தின் இரண்டாம் பாகம் முதலில் வெளியாகும் எனவும் பின்னர் முதல் பாகம் வெளியாகும் எனவும் அறிவிக்கப்பட்டுள்ளது.

சமீபத்தில் படத்தின் டீசர் வெளியாகி கவனம் பெற்றது. டீசரில் படம் ஜனவரி மாதம் ரிலீஸாகும் என அறிவிக்கப்பட்டிருந்தது. இந்நிலையில் தற்போது வெளியாகியுள்ள தகவலின் படி ஜனவரி 24 ஆம் தேதி ரிலீஸ் ஆகும் என சொல்லப்படுகிறது.