சூர்யாவின் ரெட்ரோ படத்திலும் அந்த வித்தியாசமான முயற்சியா?
இயக்குநர் கார்த்திக் சுப்புராஜ் இயக்கத்தில் உருவாகி வரும் ‘ரெட்ரோ’ திரைப்படத்தில் சூர்யா, பூஜா ஹெக்டே, ஜெயராம், ஜோஜு ஜார்ஜ், கருணாகரன், நாசர், சுஜித் சங்கர், தமிழ், பிரேம்குமார், ரம்யா சுரேஷ் உள்ளிட்ட பலர் நடித்திருக்கிறார்கள். ஸ்ரேயாஸ் கிருஷ்ணா ஒளிப்பதிவு செய்திருக்கும் இந்த திரைப்படத்திற்கு சந்தோஷ் நாராயணன் இசையமைக்கிறார்.
இந்த திரைப்படத்தை 2 டி என்டர்டெய்ன்மென்ட் நிறுவனம் சார்பில் தயாரிப்பாளர்கள் ஜோதிகா - சூர்யா ஆகியோருடன் கார்த்திக் சுப்பராஜின் ஸ்டோன் பெஞ்ச் புரொடக்ஷன்ஸ் நிறுவனமும் இணைந்து தயாரிக்கிறது. படத்தின் ஷூட்டிங் முடிந்து தற்போது போஸ்ட் புரொடக்ஷன் பணிகள் நடந்து வருகின்றன. படம் மே 1 ஆம் தேதி ரிலீஸாகவுள்ளது.
அண்மையில் இந்த படத்தில் இருந்து இரண்டு பாடல்கள் ரிலீஸ் ஆகி கவனம் பெற்றன. இந்நிலையில் தற்போது படம் பற்றி ஒரு சுவாரஸ்யமான தகவல் வெளியாகியுள்ளது. இந்த படத்தில் 15 நிமிடங்கள் இடம்பெறும் ஒரு முக்கியமானக் காட்சியை இயக்குனர் கார்த்திக் சுப்பராஜ் ஒரே ஷாட்டில் எடுத்துள்ளாராம்.படம் ரிலீஸாகும் போது இந்த காட்சி கவனம் பெற்று பேசப்படும் ஒன்றாக அமையும் என சொல்லப்படுகிறது.
