சினிமாவில் எனக்கு யாரும் எதிரி கிடையாது… பகாசுரன் இயக்குனர் மோகன் ஜி கருத்து!
இயக்குனர் மோகன் ஜி இயக்கத்தில் இயக்குனர் செல்வராகவன் நடிப்பில் உருவாகிய திரைப்படம் பகாசுரன். இந்த படத்தின் படப்பிடிப்பு மற்றும் போஸ்ட் புரொடக்ஷன் பணிகள் முடிவடைந்து வரும் 17ஆம் தேதி திரையரங்குகளில் வெளியாக உள்ளது.
இந்த படத்தின் ப்ரமோஷன் நிகழ்ச்சி சமீபத்தில் சென்னையில் நடந்தது. அப்போது பேசிய இயக்குனர் மோகன் ஜி “நான் எந்த ஐடியாலஜியையும் எதிர்த்து படம் எடுக்கவில்லை. நான் பார்த்த விஷயங்களை ஆய்வு செய்து படமாக எடுக்கிறேன்.
நான் முன்பு இயக்குனர் பா ரஞ்சித்துக்கு பேஸ்புக்கில் நண்பராகதான் இருந்தேன். இப்போதும் அவர் படங்கள் நன்றாக இருந்தால் பாராட்டி ட்வீட் செய்கிறேன். சினிமாவில் எனக்கு எதிரியும் கிடையாது. நண்பர்களும் கிடையாது” எனக் கூறியுள்ளார்.
