விஜய் ரசிகர்கள் தியேட்டருக்குள் உள்ளிருப்பு போராட்டம்!

விஜய் ரசிகர்கள் தியேட்டருக்குள் உள்ளிருப்பு போராட்டத்தில் ஈடுபட்டதால் பரபரப்பு ஏற்பட்டது.

தமிழ் சினிமாவின் முன்னணி நடிகர் விஜய்.  இவர், திரிஷா, அர்ஜூன், சஞ்சய் தத், மிஸ்கின் ஆகியோருடன் இணைந்து நடித்துள்ள படம் லியோ.  இப்படத்தை  லோகேஷ் கனகராஜ் இயக்கியுள்ளார்.

அனிருத் இசையமைப்பில், 7 ஸ்கீரின் பிக்சர்ஸ் தயாரிப்பில் உருவாகியுள்ள  இப்படம் வரும் (அக்டோபர் 19 ஆம் தேதி) நாளை ரிலீஸாகவுள்ளது.

பான் இந்தியா படமான வெளியாகும் லியோ, இந்தியாவில் மட்டுமன்று உலகம் முழுவதும் வசூல் சாதனை படைக்கும் எனக் கூறப்படுகிறது.

இந்த நிலையில், தமிழகத்தில் காலை 9 மணிக்கும் புதுச்சேரியில் காலை 7 மணிக்கு லியோ படம் வெளியாகவுள்ள நிலையில், புதுச்சேரியில் சிறப்பு காட்சிகள் திரையிட வேண்டும் என வலியுறுத்தி,  நேற்று,  விஜய் ரசிகர்கள் தியேட்டருக்குள் உள்ளிருப்பு போராட்டத்தில் ஈடுபட்டதால் பரபரப்பு ஏற்பட்டது.

லியோ படத்திற்கு காலை 7 மணி காட்சிக்கு அனுமதி அளித்துள்ள நிலையில், சிறப்பு காட்சிக்கு திரையிட மறுப்பு தெரிவித்துள்ளது.

தமிழகத்தில் காலை 9 மணிக்கு தியேட்டர்களில் லியோ படம் ரிலீஸாகவுள்ளது குறிப்பிடத்தக்கது.