பொறியியல் கலந்தாய்வு தரவரிசை பட்டியல்! – இன்று வெளியீடு!

பொறியியல் படிப்புகளில் சேர்வதற்கான கலந்தாய்வு தரவரிசை பட்டியல் இன்று வெளியிடப்பட உள்ளது.

தமிழகத்தில் பொறியியல் கல்லூரிகளில் படிக்க விண்ணப்பித்தோர் கலந்தாய்வு முறையில் விருப்பமான கல்லூரிகளை தேர்ந்தெடுப்பது வழக்கமாக உள்ளது. இந்த ஆண்டில் பொறியியல் படிப்புகளில் சேர சுமார் 2 லட்சம் மாணவர்கள் விண்ணப்பித்துள்ளனர்.

இவர்களுக்கான கலந்தாய்வு ஆகஸ்டு 20ம் தேதி தொடங்கி நடைபெற உள்ளது. இந்நிலையில் விண்ணப்பித்த மாணவர்களின் மதிப்பெண்களை அடிப்படையாக கொண்டு இன்று மாணவர்களின் தரவரிசை பட்டியல் வெளியிடப்பட உள்ளது. திருத்தங்கள் இருப்பின் 4 நாட்களுக்குள் சரிசெய்து கொள்ளலாம் என கூறப்பட்டுள்ளது.

ஆகஸ்டு 20ம் தேதி முதல் 23ம் தேதி வரை சிறப்பு பிரிவினருக்கான கலந்தாய்வு நடைபெறும். பொதுப்பிரிவினருக்கான கலந்தாய்வு 25ம் தேதி முதல் தொடங்கும் என கூறப்பட்டுள்ளது.