உலகப் புகழ் பெற்ற சபரிமலை ஐயப்பன் கோயிலில் கடைப்பிடிக்கப்படும் வழிபாடு முறைகள் மிகவும் தனித்துவமானவை. ஆயிரக்கணக்கான பக்தர்கள் மாலை அணிந்து, கடுமையான விரதங்களை கடைப்பிடித்து இக்கோயிலுக்கு சென்று வழிபட்டு வருகின்றனர்.
தற்போது ஐயப்ப விரத முறைகள் குறித்து பார்ப்போம்.
விரதம்: சபரிமலை ஐயப்பனை தரிசிக்க விரும்பும் பக்தர்கள் 48 நாட்கள் கடுமையான விரதத்தில் இருக்க வேண்டும்.
ஆடை தரிப்பு: கருப்பு, காவி அல்லது நீலம் நிறத்திலான வேஷ்டி, சட்டை அணிய வேண்டும்.
மாலையணித்தல்: கார்த்திகை மாதத்தின் முதல் நாளில், பெற்றோரின் ஆசி பெற்று, குருசாமியின் வழிகாட்டுதலுடன் மாலை அணிய வேண்டும்.
தினசரி பூஜை: அதிகாலையில் எழுந்து குளித்துவிட்டு, 108 முறை "ஐயப்பன் சரணம்" கூறி பூஜை செய்ய வேண்டும். மாலையில் சூரியன் மறைந்த பின்பு மீண்டும் அதே விதமாக பூஜை செய்ய வேண்டும்.
விரதமிருப்பவர்கள் என்ன செய்யக்கூடாது:
குளிக்கும் போது சோப்பு போன்ற பொருட்களைப் பயன்படுத்தக் கூடாது.
மெத்தை, தலையணை போன்றவற்றில் தூங்குவதை தவிர்க்க வேண்டும்; தரையில் மட்டுமே படுக்க வேண்டும்.
மாமிச உணவுகள், மது, சிகரெட், புகையிலை போன்றவை கூடாது.
திரைப்படங்கள், சூதாட்டம், காலணிகள் மற்றும் குடை போன்றவற்றை விரத காலத்தில் தவிர்க்க வேண்டும்.
பொதுவான வழிமுறைகள்:
பிரம்மச்சரிய விரதத்தை கடைப்பிடித்து, பெண்களை தாயின் உருவமாகக் கருத வேண்டும்.
பக்தர்கள் ஒருவரை ஒருவர் "சுவாமி சரணம்" என்று அன்புடன் வரவேற்க வேண்டும்.
விரத காலத்தில் எடுத்துக்கொள்ளும் உணவுகள்:
சைவ உணவுகளை மட்டுமே உட்கொள்ள வேண்டும்.
உணவை வாழை இலையில் சாப்பிடுவது சிறந்தது. உணவிற்கு முன்பு "சரணம் ஐயப்பா" கூறி உண்பது வழக்கம்.
மன அமைதி மற்றும் சாந்தம்:
கோபம், சண்டை, வெறுப்பு ஆகியவற்றை முழுமையாக தவிர்க்க வேண்டும்.
மனதில் எப்போதும் ஐயப்பனை நினைத்து, பக்தி பாடல்களை பாடி மனச்சாந்தியுடன் இருக்க வேண்டும்.
Edited by Mahendran
