கட்டப்பா தந்த 100 நாள் கால்ஷீட்
ராஜமௌலி வசியம் ஏதாவது வைத்திருக்க வேண்டும். ஐம்பது நாள் கால்ஷீட் கேட்டாலே முடியாது என்பவர்கள், இரண்டு மூன்று வருடங்கள் இவருக்கு கால்ஷீட் தருகிறார்கள்.
பாகுபலியில் சத்யராஜின் கட்டப்பா கதாபாத்திரம் கொஞ்ச நேரம்தான் வருகிறது. அதேநேரம் இரண்டாம் பாகத்துக்கான பெப்பை இந்த கதாபாத்திரம்தான் உருவாக்குகிறது. அந்தவகையில் மற்ற எல்லா கதாபாத்திரங்களையும்விட இதுதான் பவர்ஃபுல் கதாபாத்திரம்.
பாகுபலியின் இரண்டாவது பாகத்துக்கு ராஜமௌலி 100 நாள்கள் கால்ஷீட் கேட்டிருக்கிறார். சத்யராஜ் மறுப்பே கூறாமல் சம்மதம் தெரிவித்துள்ளார். இந்த 100 நாள்களில் வேறு எந்தப் படத்துக்கும் அவர் கால்ஷீட் ஒதுக்கவில்லை என்பது முக்கியமானது.
