வியாழன், 28 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By VM
Last Modified: வெள்ளி, 8 மார்ச் 2019 (11:33 IST)

விஜய் சேதுபதியின் புதிய பட ஒளிப்பரப்பு உரிமையை கைப்பற்றிய ஜி தமிழ்

சீனு ராமசாமி இயக்கத்தில் விஜய் சேதுபதி நடித்துள்ள படம் மாமனிதன்.



தர்மதுரை பாணியில் தேனி பகுதியில் கிராமத்து மண் வாசனையுடன் எடுக்கப்பட்டுள்ள இப்படத்துக்கு அந்த மண்ணிண் மைந்தர்களான இளையராஜா, கார்த்திக் ராஜா, யுவன்சங்கர் ராஜா ஆகிய மூன்று பேரும் சேர்ந்து இசையமைத்துள்ளனர்.
 
இந்த படத்துக்கு சுகுமார் ஒளிப்பதிவு செய்துள்ளார். படத்தின் இறுதிகட்டப்பணிகள் தீவிரமாக நடந்து வருகிறது. இந்நிலையில்  ஜி தமிழ் தொலைக்காட்சி மாமனிதன் படத்தை மிகப்பெரிய தொகை கொடுத்து படத்தின் தொலைக்காட்சி ஒளிபரப்பு உரிமையை வாங்கியுள்ளது.
 
மாமனிதன் படத்தை  எடுத்த சீனு ராமசாமி இயக்கத்தில்  கண்ணே கலைமானே படம் வெளியாகி வெற்றிகரமாக ஓடிக்கொண்டிருக்கிறது. இதில் உதயநிதி , தமன்னா ஆகியோர் நடித்துள்ளனர். 
 
விஜய் சேதுபதி நடிப்பில் சூப்பர் டீலக்ஸ் வரும் 29ம் தேதி திரைக்கு வருகிறது.