தெலுங்கு நிறுவனத்துக்கு தேதிகள் கொடுத்த்தாரா விஜய்? கையைப் பிசையும் தேனாண்டாள் நிறுவனம்!

விஜய் நடிக்கும் தளபதி 66 படத்தினை முன்னணி தெலுங்கு தயாரிப்பு நிறுவனமான மைத்ரி மூவிஸ் தயாரிக்க உள்ளதாக சொல்லப்படுகிறது.

விஜய் மூன்று வேடங்களில் நடித்து அவருக்கு மூன்று கதாநாயகிகள் ஜோடியாக நடிக்க வைக்கப்பட்டு பிரம்மாண்டமாக உருவாக்கப்பட்ட திரைப்படம் மெர்சல். இந்த படத்தை விஜய்யின் ஆஸ்தான இயக்குனர்களில் ஒருவரான அட்லி இயக்கியிருந்தார். சொன்ன பட்ஜெட்டை விட அதிகமாக செல்வு செய்ததால் இந்த படத்துக்கு நல்ல வசூல் இருந்தும் தயாரிப்பாளர் கடனில் சிக்கிக் கொண்டார். இதனால் படத்தில் பணியாற்றிய மேஜிக் கலைஞருக்குக் கூட சம்பளம் கொடுக்காமல் அது பெரிய சர்ச்சையானது.

இதனால் மூன்று ஆண்டுகளுக்கு மேலாக தேனாண்டாள் முரளியில் படத் தயாரிப்பில் ஈடுபட முடியவில்லை. இப்போது அவர் தயாரிப்பாளர் சங்கத் தேர்தலில் வெற்றி பெற்றுள்ள நிலையில் அவருக்கு மீண்டும் கால்ஷீட் கொடுத்ததாக சொல்லபப்ட்டது. விஜய். சன் பிக்சர்ஸ் தயாரிப்பில் நடித்து முடித்த பிறகு அவர் தேனாண்டாள் நிறுவனத்தின் படத்தில் நடிக்க உள்ளதாக சொல்லப்பட்டது.

ஆனால் இப்போது தெலுங்கில் முன்னணி தயாரிப்பு நிறுவனமாக இருக்கும் மைத்ரி மூவிஸ் நிறுவனத்துக்கு விஜய் கால்ஷீட் கொடுத்து அட்வான்ஸ் வாங்கியுள்ளதாக சொல்லப்படுகிறது.