விஜய் 69 படத்தின் நிலைமை என்ன?... விரைவில் வரவுள்ள அதிகாரப்பூர்வ அறிவிப்பு!
நடிகர் விஜய், தற்போது இயக்குனர் வெங்கட் பிரபு இயக்கத்தில் ‘The GOAT’ என்று படத்தில் நடித்து வருகிறார். இந்த படத்தில் அவரோடு பிரசாந்த், பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார். படத்தை ஏஜிஎஸ் நிறுவனம் தயாரித்து வருகிறது. இந்த படத்தின் இறுதிகட்ட ஷூட்டிங் விறுவிறுப்பாக நடந்து வருகிறது.
இந்த படத்துக்குப் பிறகு இன்னும் ஒரு படத்தில் மட்டும் நடித்துவிட்டு விஜய் அரசியலில் கவனம் செலுத்தப் போவதாக அறிவித்துள்ளார். இந்த படத்தை இயக்க இயக்குனர் ஹெச் வினோத் ஒப்பந்தம் ஆகியுள்ளார். படத்தின் தயாரிப்பாளர் யார் என்பது இன்னும் அதிகாரப்பூர்வமாக அறிவிக்கப்படவில்லை.
இதனால் இந்த படத்தின் நிலை என்ன? எப்போது தொடங்கப்படும் என்ற கேள்விகள் எழுந்துள்ளன. இந்நிலையில் இந்த படம் பற்றிய அதிகாரப்பூர்வ அறிவிப்பு ஒன்று விரைவில் வெளியாகும் என தகவல்கள் வெளியாகியுள்ளன. ஆனால் ஷூட்டிங் இந்த ஆண்டு இறுதியில் அக்டோபர் மாதத்தில்தான் தொடங்கும் என சொல்லப்படுகிறது.
