ரஜினியின் அடுத்த படத்தில் ராஜமௌலியின் தந்தை… விறுவிறுப்பாக நடக்கும் கதை விவாதம்!
டான் திரைப்படத்தின் வெற்றியை அடுத்து கவனிக்கப்படும் இயக்குனராகியுள்ள சிபி சக்ரவர்த்தி. சிவகார்த்திகேயனின் எஸ்கே ப்ரொடக்ஷன்ஸும் லைகா நிறுவனமும் இணைந்து ஒரு தயாரித்த டான் திரைப்படம் கடந்த மே 13 ஆம் தேதி ரிலீஸ் ஆகி மிகப்பெரிய வெற்றிப்படமாக அமைந்துள்ளது. 100 கோடி ரூபாயை திரையரங்குகள் மூலமாக மட்டும் உலகம் முழுவதும் வசூல் செய்துள்ளது.
இந்நிலையில் இப்போது அவர் சூப்பர் ஸ்டார் ரஜினிகாந்தின் அடுத்த படத்தை இயக்க ஒப்பந்தம் ஆகியுள்ளதாக சொல்லப்படுகிறது. ரஜினி இப்போது நெல்சனின் ஜெயிலர் படத்தில் நடித்து வரும் நிலையில் அடுத்து சிபி சக்ரவர்த்தி இயக்கத்தில் நடிப்பார் என சொல்லப்படுகிறது. இந்த படத்துக்கான கதை விவாதம் தற்போது நடந்து வரும் நிலையில் அதில் இயக்குனர் ராஜமௌலியின் தந்தையான விஜயேந்திர பிரசாத்தும் கலந்துகொண்டுள்ளாராம்.
