200 கோடி ரூபாய் பட்ஜெட்டில் திரைப்படமாக உருவாகும் சக்திமான்.. ஹீரோ யார்?
இந்தியாவில் 1990கள் மற்றும் 2000களின் தொடக்கத்தில் மிகவும் பிரபலமாக இருந்த டிவி தொடர் சக்திமான். இந்தியில் தயாரிக்கப்பட்ட இந்த தொடர் பல இந்திய மொழிகளிலும் வெளியாகி பெரும் புகழ் பெற்றது. அப்போதைய 90ஸ் கிட்ஸ் சக்திமான் காப்பாற்றுவார் என மாடியில் இருந்து குதித்த சம்பவங்களும் ஏராளம்.இந்த தொடரை முகேஷ் கண்ணா தயாரித்து, தானே சக்திமானாகவும் நடித்திருந்தார்.
இந்நிலையில் கடந்த சில ஆண்டுகளுக்கு முன்பாகவே சக்திமான் பிரம்மாண்டமான திரைப்படமாக உருவாக உள்ளதாக முகேஷ் கண்ணா அறிவித்திருந்தார். ஆனால் கரோனா காரணமாக அந்த படம் தொடங்குவதில் தாமதமானது. இந்நிலையில் இப்போது படத்தின் அதிகாரப்பூர்வ ஒப்பந்தம் கையெழுத்தாகியுள்ளதாக முகேஷ் கண்ணா தெரிவித்துள்ளார்.
சோனி பிக்சர்ஸ் 200 கோடி ரூபாய்க்கு மேலான முதலீட்டில் இந்த படத்தை தயாரிக்க உள்ளதாகவும், இதில் சக்திமானாக முகேஷ் கண்ணா நடிக்கமாட்டார் எனவும் அறிவிக்கப்பட்டுள்ளது. விரைவில் படத்தின் ஹீரோ மற்றும் மற்ற விவரங்கள் அதிகாரப்பூர்வமாக அறிவிக்கப்படும் என தெரிகிறது.
